So, dit is omtrent 'n lys van aktiwiteite :)

Ek dink dit is tyd vir 'n paar realiteite en feite:

1. Suid Afrika is bekend vir sy natuurskoon en definitief nie Johannesburg se middestad nie. Johannesburg se middestad is vandag die blyplek van 1000'de uitlanders van ander Afrika lande (Nigeriers, Congolese, Zimbawiers, Mozambiekers, Malawiers, ens.). Soos JW dit stel, om deur JHB te wandel is lewensgevaarlik. Selfs ons vermy die stad en vandag was daar weer 'n nuusberig van toeriste wat aangeval is. Ek/ons wil nie 'n (pardon the pun) swart prentjie skets nie, maar dit is Afrika! Afrika is 'n derde werelds kontinent en Suid Afrika waar eerste werelds en derde werelds mekaar ontmoet en saam leef. Dit is belangrik dat julle dit weet en ons sal natuurlik ook seker maak dat julle veilige gedurende julle vakansie in ZA is. Daarom sal daar sekere idees wees wat ons julle nie sal aanbeveel om te doen nie.

2. Anders as in Europa, in die groter Johanensburg is daar nie 'n uitgebreide publieke vervoerstelsel nie. Om van punt A na punt B te gaan is met jou eie auto, motor, fiets of voete. Laasgenoemde twee is nie aan te beveel nie, aangesien ons 'n natuurverskynsel hier vind wat berge genoem word :) (en weereens die veiligheids aspek). Verder is die algemene vervoer middel van die gemiddelde Suid Afrikane minibus Taxi's wat vaste roetes ry. Eerstens moet jy die roetes ken (wat nie gereguleerd is nie) en ook die taxi-taal ken (wys vinger regop in die lug is roete x, duim in die lug, wys vinger horisotaal, roete y, ens. Roete x en y hang af van jou lokatie). Verder is die minibus taxi's bekend daarvoor dat hulle nie juis die mees gehoorsaamste padgebruikers is nie en ook nie altyd padvaardig is nie. Dus is dit nie snaaks as jy 'n minibus taxi teen 100+km/h in die noodlaan aantref nie. Julle sal dit nog self sien.

Die punt wat ek wil maak is dat om 26 manne en vroue hier te vervoer na verskillende venues op verskillende uitstappies nie logisties moontlik gaan wees nie!

Dus wat ek voorstel is:

1. DIe Hollanders prioritiseer besienswaardigehede (1, 2, 3, 4, ens). Onthou byvoorbeeld, Bert, wat jy al gesien het wil Marian dol graag nog sien.

2. Maak 'n lys van vrye dae in Johannesburg. Onthou dat Sondag is Sondag (soos Bert-Jan dit sal stel) en voor die Wildtuin reis is daar seker 'n dag van inkope, en pak. Jordi en Jessica moet ook van die lughawe gehaal word ens.

3. Volgens die vrye dae en prioriteits lys, sal ek (kamp kommedant en tegnologie), Marian (minister van wet en orde), JW (tolk, regs sake, sport en ontspanning) en Sonette (kuns, kultuur en finansies) 'toere' uit werk wat meeste sal beval. Bv, besoek Sterkfontein grotte, ry en besoek Pretoria (Unie geboue, Voortrekker, ens), ry na Sandton en omgewing, drink koffie op Sandton Square, sundowners/shopping by Monte Casino en terug na huis (1 dag). Die wat nie die roete wil doen die dag nie, kan dan alternatiewe planne maak (soos begeleide toer na Soweto).

Dit is my voorstel. Enige idees komentaar.

Joos

PS: gaan nahttp://dojjouubertpark.blogspot.com/. Hier kan julle sien Joubert Park (gewilde park in ou JHB waar skoonmoeders nog gewoon het toe sy in ZA aangekom het) toe en nou lyk. Ja die persoon wat die blog skryf is vreeslik negatief oor ZA, maar dit is hoe dit daar uitsien vandag. (Jacolien, Oujaarsavond 1985/86 was jy nog saam met ons in Hillbrow/Joubert Park om die nuwe jaar in te wag). Dit is hoe groot gedeeltes van JHB middestad lyk EN dan is daar baie ander pragtige gebiede in JHB wat julle wel sal sien!